Жеңістің 80 жылдығына орай ардагерлер порталы жаңартылады
Жеңісінің 80 жылдығына орай қазақстандық соғыс ардагерлері мен тыл еңбеккерлерінің порталы жаңартылады. Бұл туралы мәдениет және ақпарат министрі Аида Балаева үкімет отырысында мәлімдеді. «Батырларға тағзым» порталы 2014 жылдың 9 мамырынан бастап соғысқа қатысушылар туралы мәліметтермен толықтырылып келеді. Бүгінгі күнге дейін ресурста 10 мыңнан астам қазақстандық туралы ақпарат бар.
9 мамырға қарай порталдың жаңартылған нұсқасы іске қосылады. Қазақстанның мұрағат қорларында сақталатын барлық мәліметті жинақтау мақсатында бұл портал "е-Мұрағат" жүйесімен біріктірілетін болады, – деді Аида Балаева.
Портал әрбір қазақстандыққа сол кезеңдегі бірегей мұрағаттық деректерге қол жеткізуге мүмкіндік береді. Қазақстан премьер-министрі Олжас Бектенов бұл жұмысты жеделдетуді тапсырды.
"Е-мұрағат" деректерін "Батырларға тағзым" онлайн-платформасымен синхрондау бойынша жұмысты аяқтау қажет. Біз барлық тарихи құжаттарды ұлттық цифрлық мұрағат базасында сақтап, оларға қол жеткізуге мүмкіндік береміз", — деді ол.
Порталда Қазақстанның түрлі аймақтарынан соғыс ардагерлері туралы ақпарат жиналды. Елімізден 1,3 миллион қазақстандық майданға аттанып, олардың жартысы ұрыс даласында қаза тапты. 500-ден астам қазақстандық Кеңес Одағының Батыры атағына ие болды. Еңбек министрлігі республикада 120 соғыс ардагері және Жеңіске жетуге үлес қосқан 42,5 мыңнан астам азамат тұратынын хабарлады.Жеңістің 80 жылдығына тарту: Қарағанды облысында майдангерлер жайлы кітап жарыққа шығады
