Астанадағы ММУ филиалы Жеңістің 80 жылдығына «Соғыс туралы естелік кітабын» ұсынады
Ломоносов атындағы Мәскеу мемлекеттік университетінің филиалы мен президенттік орталық 29 сәуірде өтетін «Мәңгілік естелік күні» атты шарада «Соғыс туралы естелік кітабын» таныстырады.Мәскеу мемлекеттік университетінің Астанадағы филиал студенттері жасаған «Соғыс туралы естелік кітабы» – олардың отбасы мұрағатындағы естеліктер мен құжаттарға негізделген, деп хабарлады университет.Осындай алғашқы кітап филиал студенттерінің бастамасымен 2020 жылы шығарылды. Онда соғысқа қатысқан туған-туыстары жайлы естеліктер бар.
Екінші басылымы 2023 жылы шықты.
"Бірқатар жылдар бойы студенттер отбасылық мұрағаттарды белсенді түрде зерделеп, туған-туыстары мен достарының тарихын зерттеді. Олардың ізденіс нәтижесі – бірегей "Соғыс туралы естелік кітабының" үшінші басылымы болды", – делінген хабарламада.
Студенттер президенттік орталық директоры Бақытжан Темірболатпен, Қазақстандағы филиал директоры, Мәскеу мемлекеттік университетінің құрметті профессоры Александр Сидоровичпен және «Мемориалдық аймақ» бірінші іздестіру отрядының командирі Майдан Құсайыновпен кездеседі.Кездесу соңы «Жеңіс дауысы» музыкалық-поэтикалық челленджі қатысушыларының қойылымымен аяқталады.ЕЭК кеңсесінде Жеңістің 80 жылдығына арналған фотокөрме ашылды
